Útieldhús.is

Haldin verða 5 námskeið nú í lok ágúst.

Hægt er að skrá sig með því að smella á linkinn hérna fyrir neðan.

19. ágúst – 13:00 Höfuðborgarsvæðið -UPPSELT
21. ágúst – 13:00 Akureyri – ÖRFÁ PLÁSS LAUS
22. ágúst – 13:00 Höfuðborgarsvæðið – AUKANÁMSKEIÐ
28. ágúst – 13:00 Austurland (Neskaupstaður)
29. ágúst – 13:00 Austurland (Egilstaður)

SMELLA HÉR FYRIR NÁMSKEIÐ Á HÖFUÐBORGARSVÆÐINU OG AKUREYRI

SMELLA HÉR FYRIR SKRÁNINGUR Á NÁMSKEIÐ Á AUSTURLANDI

Námskeiðin eru grunnnámskeið í útieldun og fara öll eins fram.

Verkefni námskeiðsins eru:

Eldurinn, að kveikja eld og velja eldivið.
Prímusinn farið aðeins yfir mismunandi gerðir prímusa og notagildi þeirra.
Hollendingurinn (Dutch Oven) hvað er þetta og hvernig er hægt að nota þetta.

Eldaðir verða 5-6 réttir en námskeiðið tekur 3-4 tíma.

Verð er eins og áður 5500 krónur.

Ég fann hérna upptöku frá námsstefnu sem var á Sauðarkróki 15. maí 2008. Það er hægt að sjá upptöku frá námsstefnunni og þar er meðal annars ég (undir lokin) og myndir af því sem ég og Steini í Muurikka létum fólk prófa.

http://sjonvarp.khi.is/eldra2008.htm

Ég fékk að vera á þjóðlagahátíð á Siglufirði í vikunni. Þar var ég með útieldunarnámskeið sem reyndar var að hluta til inni vegna veðurs. Fyrri daginn var úrhellisrigning þannig að við fengum inni í kennslueldhúsi grunnskólans. Við gátum samt notað útiaðferðir, settum hollendinginn í ofninn og notuðum Muurikkuna bara inni.

Seinni daginn vorum við úti og nutum þess að vera í logni og blýðu við Síldarminnjasafnið.

Hópurinn sem ég var með var ótrúlega áhugasamur og mjög skemmtilegur og ég þakka þeim fyrir þátttökuna og þolinmæðina. Helda meira að segja að þau hafi lært eitthvað.

Ég þakka fyrir mig, bæði Þjóðlagahátíðinni, Siglufjarðarbæ og Síldaminnjasafninu. Vonandi sjáumst við aftur.

Þetta er einföld sósa og flest það sem fer í hana er til inni í skáp og í ísskápnum.

1 laukur - miðlungsstór. Smátt saxaður.
2 gulrætur - smátt saxaðar
1 Sellerístilkur smátt saxaður - má sleppa.
2 hvítlaukslauf - smátt söxuð
4 matskeiðar ólífuolía - til að steikja í (ekki nota Extra Virgin)
2 dósir niðursoðnir tómatar (gott að nota saxaða eða saxa þá sjálfur)
1 dós tómatpúrra (þessa pínulitlu) tómatpúrra kemur í mörgum þykktum, en það fer eftir vatnsinnihaldi hversu þykk hún er. Því þykkar því meira bragð (eða þeim mun minna þarf að nota til að fá meira bragð) svo að það er gott að reyna að finna þykkari gerðina. Ef það er ekki hægt þá má nota þynnri púrru en þá verður sósan þynnri og það þarf að sjóða hana lengur á vægum hita til að þykkja hana.
1 msk basilika (þurrkuð)
1 msk oreganó (þurrkað)
1 tsk paprikuduft
Salt og pipar eftir smekk

Svo er bara að saxa og sjóða. Best er að setja þetta í þykkbotnapott í þeirri röð sem það er í listanum. Svitaður laukinn, hvítlaukinn, gulrótina og selleríið saman áður en öllu hinu er bætt út í. Að svita er að steikja á vægum hita þar til laukurinn verður glær.

Láttu þetta svo sjóða á vægum hita í eins langan tíma og hægt er - sósan batnar bara við það.

Sósuna má kæla og geyma í nokkra daga í ísskáp. Hún er frábær á pizzur og á pasta. Það má líka frysta hana og geyma í nokkra mánuði þannig.

Við áttum ótrúelgan námskeiðsdag í dag. Hópurinn sem ég var með var frábær. Við bökuðum brauð, bjuggum til fiskrétti og epla og berja eftirrétt.

Takk fyrir komuna á námskeiðið.

Hérna kemur brauðuppskriftin sem að við notuðum þann 13. maí. Þessi uppskrift er ótrúlega einföld og það má auðveldlega breyta henni í eitthvað annað.

Hráefni:

6 dl volgt vatn
1 msk hunang
1 msk ger
2-3 msk tómatpúrra (það má líka nota pizzasósu)
um 1 kg hveiti (u.þ.b. 14 dl)
1 tsk salt
2 msk olía (ólífu er bragbetri)

Aðferð:

Ég geri þetta gjarnan í matvinnsluvélinni en það má vel gera þetta í höndum eða hrærivél með deigkrók.

Vatni, geri, hunangi og púrru blandað saman. hveitinu bætt út í ásamt salti og olíu. Þetta er hrært eða hnoðað vel saman. Það er mikilvægt að hnota þetta rækilega ef það er gert í höndum má gera ráð fyrir um 10 mínútum um 5 í vélinni.

Deigið er látið hefast í um klukkustund og slegið niður og hnoðað aftur í smá stund. Látið hefast aftur og slegið aftur niður. Þá er það tilbúið að fara í pottinn (við notuðum Dutch Oven eða Hollending). Annars á plötu þar sem það færi að hefast í 30 mínútur. Svo er þetta sett yfir hitan og bakað í 30 til 40 mínútur. Ef að þetta fer inn í ofn myndi ég stilla hitan á 180 til 190°C og ef til vill baka þetta aðeins í 30 mínútur. Þetta er samt frekar stórt brauð og því er betra að nota augað til að meta tíman.

Þessu brauði má svo breyta í hvað sem er, skipta út púrrunni fyrir pizzakrydd eða setja kúmen, jafnvel nota einhverjar sósur eins og pestó. Grunnurinn er alltaf sá sami. Að sjálfsögðu má líka breyta þessu í heilhveitibrauð og skipa út hluta af hveitinu fyrir heilhveiti.

Mig langar að þakka fyrir frábært námskeið í gær 13. maí. Við vorum ótrúlega heppin með veður, dagskráin gekk mjög vel upp og þátttakendur voru ótrúlega skemmtilegir.

Mér fannst sérstaklega gaman að fá á námskeiðið minn eigin heimilisfræðikennara hana Kristínu Stefánsdóttur. Það er eitthvað svo skemmtilegt að vera komin heilan hring í kennslunni. Reyndar fékk ég líka að kenna einum af leikskólakennurunum fyrir nokkru og það var sama tilfinning þá.

Ég lofaði að setja inn uppskriftir frá þessu námskeiði og þær koma í sér færslum.

Það er annað námskeið á morgun og enn nokkur pláss laus.

Það er hægt að búa til alskonar nammi

Nú er orðið fullt á námskeið þann 19. ágúst. Sett hefur verið inn nýtt námskeið þann 22. ágúst.
Skráning fer fram á forminu hérna til hægri. Námskeiðin verða eins að öllu leiti.

Námskeiðið er á sunnudegi en vonast er til að það geti hentað bæði kennurum og öðrum sem annars eru að vinna virka daga. Námskeiðið er fyrir alla, bæði kennara, leikskólakennara og almenning enda geta allir haft gaman af því að elda úti.

Þar sem skráning var ekki nægjanlega á námskeið á Akureyri þann 15. maí verður námskeiðið fært á Höfuðborgarsvæðið enda aðsókn þar betri en hægt var að vonast og nú þegar orðið fullt á námskeið þann 13.

Hægt er að skrá sig á námskeiði á forminu hér til hliðar.

Athygli er vakin á því að námskeiðið er FYRIR ALLA.

Námskeiðið er ekki bara fyrir kennara (þó að það nýtist þeim að sjálfsögðu vel í starfi)  heldur er það opið öllum sem hafa áhuga á útieldun í öllum sínum myndum. Farið verður í sömu atriði og á námskeiðið þann 13.

Eldurinn, að kveikja eld og velja eldivið.
Prímusinn farið aðeins yfir mismunandi gerðir prímusa og notagildi þeirra.
Hollendingurinn (Dutch Oven) hvað er þetta og hvernig er hægt að nota þetta.

Eldaðir verða 5-6 réttir en námskeiðið tekur 3-4 tíma. Verð er eins og áður 5500 krónur.

Nú er orðið fullt á námskeið útieldhús þann 13. maí. Áhugasamir sem að vilja fá námskeið er bennt á að skrá sig á póstlista síðunnar hér til hægri en ég mun bjóða upp á námskeið fljótlega aftur sé áhugi fyrir því.