Útieldhús.is

Núna er lokið tveimur af þremur helgarnámskeiðum. Ég hef notið þess að vera með góðum hópum leikskóla og grunnskólakennara auk þess sem starfsfólk frístundaheimila var með í hópunum. Við bökuðum brauð og köku, poppuðum, bjuggum til ís og elduðum fisk og grænmeti. Veðrið lék við okkur og allir skemmtu sér vel.
Takk fyrir mig og ég vona að ég sjái sem flesta útivið í vetur.

Þetta bréf var ég að senda þátttakendum á námskeiði í útieldun og útikennslu sem að fram fer um helgina. Enn eru nokkur pláss laus á þessum námskeiðum svo að þeir sem eru áhugasamir geta enn sent mér póst og skráð þátttöku.

Sæll/sæl,

Þú ert skráður/skráð á námskeið í útieldun og útikennslu um helgina (28. eða 29. nóvember). Veðurspáin er mjög góð, engin úrkoma er í kortunum en það gæti orðið nokkuð kalt. Það ætti þó ekki að koma að sök enda verðum við með eldin til að orna okkur við og nóg af verkefnum til að vinna úr. Þó legg ég áherslu á að þú komir vel klædd/klæddur enda ekkert eins leiðinlegt og að verða kalt við vinnuna. Gott er að hafa góða fingravetlinga og að gleyma ekki húfunni og treflinum. Ef að þú ert með eitthvað fæðuóþol eða ofnæmi þá væri gott að vita af því fyrirfram svo að ég geti reynt að taka tillit til þess við innkaupin.
Námskeiðin fara öll fram við Laugarnesskóla í Reykjavík en kort af skólanum er hægt að sjá hér:
http://ja.is/kort/#q=laugarnessk%C3%B3li%20-%20laugarsel%20fr%C3%ADstundaheimili&x=359621&y=407845&z=9&type=aerial
Best er að leggja í bílastæði við Gullteig.

Hægt er að gera námskeiðið upp við komuna með peningum eða með því að leggja inn á reikning nr. 152-26-041015 kt. 170281-3659 og ekki er verra ef að bankinn sendir tölvupóst til staðfestingar á gummif@gmail.com. Það fá allir sem vilja kvittun fyrir gjaldinu og geta þá notað hana til að fá gjaldið endurgreitt frá skóla eða stéttarfélagi nú eða bara í heimilisbókhaldið.

Ef að það eru einhverjar spurningar þá endilega hafið samband annað hvort með því að senda póst til baka eða hringja í síma 895-2409.

Námskeiðin verða núna um helgina. Boðið verður upp á tvö grunnskólakennara námskeið, eitt á laugardag og eitt á sunnudag en því miður þá fellur leikskólakennaranámskeiðið á sunnudaginn niður vegna ónógrar þátttöku. Það er enn hægt að skrá sig á öll hin námskeiðin. Eins og er þá lofar veðurspáin mjög góðu eins langt og hún nær og við gerum bara ráð fyrir því að hún haldist frábær.
Þeir sem hafa áhuga geta sent póst á gummif(hjá)gmail.com eða hringt í síma 8952409
Sjáumst

Sráningin á námskeiðin í lok nóvember (28. og 29.) gengur vel en það eru enn laus nokkur pláss á öll námskeið. Námskeiðin eru ekki bara fyrir kennara því að starfsfólk frístundaheimila og félagsmiðstöðva er velkomið og að sjálfsögðu verður engum áhugasömum vísað frá.

Hægt er að skrá sig með því að senda póst á gummif(hja)gmail.com og allar upplýsingar er að finna hér fyrir neðan eða í síma 8952409.

Því miður þá læddust inn dagsetningar frá því í október á plagatið. Þær eru hér með leiðréttar. Námskeiðin eru því helgina 28. og 29. nóvember.

Aðrar upplýsingar eru réttar en skráning er með tölvupósti á gummi(hjá)gmail.com

Hérna er rétt plagat.

Rétt plagat sem má prenta út og dreifa.

Nú er komið að þessu, námskeið fyrir höfuðborgarsvæðið og nærsveitir.

Hérna eru allar upplýsingar:

Þetta má prenta út og hengja upp

Það er takmarkaður fjöldi þátttakenda á hvert námskeið svo að ég hvet ykkur til að skrá ykkur snemma.

Ég fékk bréf þar sem ég var beðin um að setja inn upplýsingar um Dutch Oven eða Hollending eins og það hefur verið kallað hérna heima.

Hollendingar eru steypujárnspottar sem að hafa stutta fætur, þétt lok með smá brún og eru notaðir meðal annars til að baka í. Þá má reyndar nota til að elda hvað sem er í en vegna þess hvernig þeir eru hannaðir (það er að hægt er að setja kol bæði undir þá og ofnaá) þá er auðvelt að baka í þeim.

Þar sem ekki eru til neinar upplýsingar á íslensku svo ég viti til læt ég fylgja með nokkra tengla um efnið á ensku.

Wikipedia stendur alltaf fyrir sínu og gott er að byrja þar.

http://en.wikipedia.org/wiki/Dutch_oven

IDOS er góður staður til að byrja að fræðast.

http://www.idos.com/

Svo má finna tugir bóka um efnið á Amazon eða sambærilegum vefsíðum.

Nú fara næstu vikur að skýrast. Ég geri ráð fyrir því að vera með námskeið fyrir leik og grunnskólakennara í lok nóvember. Námskeiðið verður með svipuðu sniði og þau sem haldin voru fyrir norðan og áherslurnar svipaðar. Dagsetningin eins og er er 28. og 29. nóvember.

Boðið verður upp á tvö námskeið hvorn dag ef að skráning er nægilega góð.

Hægt er að skrá sig strax en frekari upplýsingar koma síðar. Skráning fer fram á gummif(hja)gmail.com

Hérna er ótrúlega spennandi hugmynd. Rocket Stove er einskonar eldavél sem að notar sprek sem eldivið. Með því að búa til mikinn trekk í eldhólfinu er hægt að brenna sprekinu með mun hreinni bruna og fá meiri hita. Ég er að prófa að setja saman svona eldavél með því að nota bara niðursuðudósir. Hérna eru nokkur myndbönd sem að útskýra þetta betur.

YouTube : Skoða á Youtube

YouTube : Skoða á Youtube

Þetta myndband sýnir hvernig eldavéling hérna fyrir ofan er gerð.

YouTube : Skoða á Youtube