okt.5
Ég er nú farin að undirbúa námskeið í útikennslu og útieldun sem að haldið verður á höfuðborgarsvæðinu.
Námskeiðin verða í svipuðum dúr og þau sem haldin hafa verið fyrir norðan með áherslu á eldinn, að kveikja eld og vinna með hann. Að sjálfsögðu fer engin svangur af námskeiðinu.
Þá er einnig í undirbúningi námskeið sem að hægt er að fara með til skólanna. Þau væru þá hugsuð þannig að skólinn geti keypt námskeið fyrir alla kennarana sína. Ég kem þá eftir samkomulagi og við notum þá aðstöðu sem fyrir er og verðið er ekki háð þátttöku.
Ég vona að þessi námskeið falli í góðan jarðveg.
okt.4
Um helgina hélt ég námskeið í útieldun fyrir kennara á Genivík. Ég fékk reyndar nokkra kennara í viðbót frá Litlulaugaskóla og frá Lundaskóla en aðalega voru þetta kennarar frá gunnskólanum og leikskólanum á Grenivík. Við notuðum nýtt eldstæði sem að kennrarnir eru að útbúa við skólan og nutum þess að vera við eldamennskuna í frábæru veðri.
Matseðillinn var fjölbreyttur að vanda. Við bökuðum brauð í Hollendingnum, bjuggum til laxakökur í forrétt, svínamedalíur með eplum, rúsínum og steiktu grænmeti í aðalrétt og bakaðar perur með ís eftrirétt. Ég hafði verið með smá áhyggjur af veðrinu en þær reyndust algjörlega óþarfar. Raunar svo óþrfar að við nutum þess að borða ísinn og perurnar úti í sólskyni og frábæru veðri.
Eldstæðið við Genivíkurskóla. Allt í gangi
Við pönnusteiktum smá brauð með laxinum og bjuggum til enfalda sósu úr sýrðum rjóma, grísku jógúrti og dilli.
Brauðið tilbúið.
Á meðan við biðum eftir perunum var smá tími til að smakka brauðið. Uppskriftin var frá Anítu frænku.
Flottur hópur í fræabæru veðri með ótrúlegt útsýni
Ég þakka fyrir mig. Það eru forréttindi að fá að koma á eins flottan stað og Grenivík og njóta þess að vera úti að elda með jafn frábærum hópi. Ég hlakka til að fá að koma aftur.
okt.1
Vegna ónógrar þátttöku þá varð ég að færa námskeiðið frá Aldísarlundi til Grenivíkur. Hérna er útdráttur úr bréfi sem ég sendi á þátttakendur:
Til þess að þurfa ekki að fella alveg niður námskeiðin hef ég því ákveðið að færa það á Grenivík. Með því næst nægileg þátttaka til þess að ég þurfi ekki að borga með mér norður. Þar sem það er ekki langt að fara frá Akureyri á Grenivík langar mig því að bjóða ykkur að koma þangað. Ég get því miður ekki haldið öll námskeiðin sem að boðið var upp á en ég mun laga námskeiðið að bæði leik og grunnskólakennurum svo að allir ættu að fá eitthvað (og jafnvel meira) heldur en auglýst var. Við munum byrja klukkan 11:00 og reyna þannig að vera mitt á milli auglýstum tímum fyrir leik og grunnskólakennara.
Ég vona innilega að þessar breytingar verði ekki til þess að þú þurfir að hætta við.
Upplýsingar um námskeiðið.
Við byrjum klukkan 11:00 við Grenivíkurskóla (það á að vera auðvelt að finna hann þegar ekið er inn í Grenivík). Fyrir leiðbeingar að skólanum eða að Grenivík bendi ég á heimasíu ja.is www.ja.is en þar er hægt að fá leiðarlýsingu og sjá staðsetningar á korti.
Veðurspáin gerir ráð fyrir einhverri úrkomu, að því er mér skilst er byrjað að snjóa í Grenivík svo að ég mæli með því að þú takir með þér hlý föt og jafnvel einvher regnhled föt. Ég er alltaf bæði með dúnúlpuna og regn vindhelt. Bæði buxur og jakka.
Við munum borða saman það sem við eldum og það er ekki vitlaust að taka með góðan bolla (til þess að maður þekki sinn eigin) t.d. úr plasti. Önnur áhöld kem ég með.
Ef að það eru fleiri áhugasamir um námskeiðið þá hvet ég þá til að koma með þér til Grenivíkur það er bara gott að vita af því til að hægt sé að kaupa inn fyrir þá.
Enn og aftur þá vona ég að þetta verði til þess að þú getir komið á námseiðið. Skráningin var mun slakari en ég gerði ráð fyrir og þess vegna reyni ég að bregaðst við með þessum breytingum. Það er hægt að fá frekari upplýsingar eða útskýringar í síma 8952409.
sept.29
Nú eru aðeins nokkrir dagar í námskeið í Eyjafirði. Ég vil því hvetja þá sem hafa áhuga á þessu að hafa samband í síma 8952409 eða með tölvupósti á gummif(hjá)gmail.com
Skráningarfrestur er til 1. október og ég sendi svo þeim sem hafa skráð sig tölvupóst með frekari upplýsingum.
sept.21
Nú er komið að næsta námskeiði. Það verður 3. og 4. október í Eyjafirðinum.
Auglýsingaplagat
uti_nams_ak_rett - smellið á tengilin til að fá plagatið í réttri stærð. Það má gjarnan prenta það út og hengja upp á kaffistofum og kennarastofum.
Boðið verður upp á námskeið bæði fyrir grunn- og leikskólakennara. Bæði námskeiðin eru í boði laugardag og sunnudag þannig að þátttakendur geta valið þann dag sem hentar þeim betur.
Námskeiðs lýsing
Námskeið fyrir leikskólakennara.
Laugardag 9:30 - 12:30 eða sunnudag 9:30 - 12:30
Fjallað verður um opin eld, hvernig hann er tendraður og hvernig best er að huga að öryggi í kringum eldinn. Eldað verða yfir eldinum. Kynntar verða aðferðir við að poppa yfir eldi, hvernig á að búa til snúbrauð í poka, hvernig gera á ís í poka og rætt um hvernig hægt er að nota eldinn í skólastarfinu.
Námskeiðið er 3 tímar og kostar 4.000 kónur á mann.
Námskeið fyrir grunnskólakennara.
Laugardag klukkan 13 - 17 eða sunnudag klukkan 13 - 17
Sérsktök áhersla verður á prímusa, ýmsar gerðir og hvernig þær eru notaðar. Kynntir verða svokallaðir hollendingar (Dutch Oven) en þeir eru skemmtileg nýjun á Íslandi og sérstaklega spennandi fyrir eldri nemendur. Fjallað verður um opin eld, hvernig hann er tendraður og búnir til nokkrir réttir fyrir hann.
Námskeiðið er 4 tímar að lengd og kostar 5.000 krónur á mann.
Skráning fer fram í gegnum tölvupóst á gummif(hjá)gmail.com og allar upplýsingar er hægt að fá með því að senda póst eða hringja í síma 8952409. Skráningarfrestur er til 1. október.
sept.18
Nú er það að komast á hreint að næsta námskeið fyrir norðan verður helgina 7.-8. október. Boðið verður upp á svipað fyrirkomulag og síðast þ.e. námskeið bæði á laugardegi og sunnudegi svo að fólk geti valið og námskeið fyrir leikskólakennara annars vegar og grunnskólakennara hinsvegar. Námskeiðin verða að sjálfsögðu háð þátttöku en ég á ekki von á öðru en að þau verði öll vel sótt. Auglýsingar fara í skólana strax eftir helgi og þá verður hægt að skrá sig í gegnum tölvupóst.
Ég er farin að hlakka til.
sept.15
Svefntjaldið mitt
Hérna eru nokkrar myndir frá námsferð sem að ég fór til Ameríku vorið 2008. Ég sótti þar námskeið hjá Royal Tine leiðsögumanna og ferðakokka skólanum. Venjulega þjálfar skólinn leiðsögumenn og kokka fyrir veiðiferðir á svæði þar sem ekki má fara með vélknúnum farartækjum. Ég fékk hinsvegar að fljóta með á kokkanámskeiðið enda borgandi útlendingur.
Ég var því tvær vikur í útielgu þar sem ég og kennarinn minn elduðum þrjár máltíðir á dag fyrir leiðsögumannaskólan. Það voru 12 nemendur tveir kennarar og við tvö sem vorum í mat. Þetta var því sæmilegur hópur sem að sat að snæðingi í hverri máltíð.
Verðandi leiðsögumenn
Ég fékk að njóta landslagsins í fjöllum Montanafylkis, frábærra gestgjafa sem vildu allt fyrir mig gera og að sjálfsögðu frábærs matar.
Eldavélin, kyndingin og kaffikannan
Það var alltaf eldur í kamínunni enda féll hitastigið niður að frostmarki á næturnar. Við kveiktum upp á morgnana um klukkan 6 og slökktum ekki í fyrr en eftir kvöldmat um klukkan 21. Fyrsta verk á morgnanna var að hella upp á alvöru kúrekakaffi. Það var svo heitt á könnunni allan dagin og fram yfir kvöldmat. Ótrúlegt en satt þá var þetta sama kaffið allan daginn og það var skrambi gott.
Eldhúsið
Það þarf að hafa stórt eldhúsborð þegar maður er með 16 í mat. Það skemmir heldur ekki fyrir að hafa nóg pláss til að vinna á þess á milli.
Epla Crumble
Það var mjög gaman að geta unnið með ýmiskonar eldunnartæki eins og til dæmis Hollendingin eða Ducth Oven.
ág.31
Svona veður skemmir sko ekki fyrir
Fyrir tveimur vikum bauð ég upp á námskeið í útikennslu í heimilisfræði. Námskeiðið var haldið í Aldísarlaundi sem er útikennslustofa Hrafnagilsskóla. Raunar bauð ég upp á námskeið bæði fyrir grunn- og leikskólakennara en vegna einhvers misskilnings fór auglýsingin ekki til leikskólanna. Úr var því að ég var bara með námskeið fyrir grunnskólakennara. 13 þátttakendur komu á námskeiðið og lærðu ýmislegt um útieldun, hvernig á að kveikja eld og um nokkrar aðferðir við að elda á eldi. Við vorum svo heppin að að fá frábært veður og ég svo heppin að fá frábæra þátttakendur. Námskeiðið var því alveg meiriháttar. Hérna eru nokkrar myndir frá því.
Þoskurinn flakaður
